खोटाङको सदरमुुकाम दिक्तेल बजारमा खोटाङ्गे यूवा चलचित्र निर्माता हट मिलन राईको नेपाली कथानक चलचित्र ‘बालापन’ को विशेष प्रदर्शन हुने भएको छ । दिक्तेल रुपाकोट मझुवागढी नगरपालिकाको वडा नम्बर २ सोल्माका राई निर्माता रहेको चलचित्र यहि असोज २८ र २९ गते दिक्तेलमा प्रदर्शन गर्न लागिएको हो ।
नेपाली समाजमा रहेको यर्थात घटनाक्रममा आधारित चलचित्र ‘बालापन’मा नेपालका चर्चित कलाकारहरु सबिन श्रेष्ठ, प्रियङ्का कार्की, धिरेन शाक्य, सोनी बिसी, सुनील थापा, राजकुमार थापा, हट मिलन राई र बाल कलाकारद्वय रितेश दुवाडी तथा आरोही कार्कीलगायतका कलाकारको अभिनय छ ।
शिव आरजीको निर्देशन रहेको चलचित्र एन्जिलेना फिल्मस् प्रोडक्सन प्रालिको प्रस्तुतिमा निर्माण भएको हो । चलचित्रमा हट मिलन राई निर्माता तथा इन्दिरा थापा र कला राई सह–निर्माता रहेका छन् । चलचित्रमा रामकृष्ण खरेलको छायांकन रहेको छ । कथानक चलचित्र विशुद्ध समाजसेवा, दिनदुखी, असहाय, अनाथ बालबालिकाको सहयोगार्थ निर्माण गरिएको जनाईएको छ । 
