ज्ञानेन्द्र विक
खार्मी, ३ असार । दिक्तेल रुपाकाेट मझुवागढी नगरपालिका ११ खार्मीमा आगाेलागी हुँदा मान बहादुर मगरकाे घर जलेर नष्ट भएकाे छ । दिउसाे २.०० बजे एक्कासी विद्युत सर्ट भई आगाे सल्किदा मगरकाे करिब ३२ लाख रुपैयाँ बराबरकाे क्षति भएकाे हाे ।
दिउसाे २.०० बजेतीर एक्कासी घरमा आगाे सल्किएपछि मानबहादुरकाे ३ ताेला सुन, ११ ताेला चाँदी सहित विभिन्न किसिमका महत्वपुर्ण कागज जलेर नष्ट भएकाे हाे । खार्मीकाे बाँझाेवारीमा रहेकाे मानबहादुर मगरकाे ४ तले घर पूर्णरुपमा क्षति भएकाे छ ।
घरमा काेही नभएकाे बेला एक्कासी आगाे देखिएपछि स्थानीय घर गाउँले जम्मा भएर आगाे नियन्त्रण गर्ने प्रयास गरेका थिए । तर लामाे समयकाे प्रयासपछि पनि आगाे नियन्त्रण गर्न सकस परेकाे स्थानीयले जानकारी दिएकाछन् ।
क्षतिकाे पुर्ण विवरण भने आउनबाँकी रहेकाे जिल्ला प्रहरी कार्यलय खाेटाङले जनाएकाे छ ।
